ConceyosFiestes El Festival d’arte na cai ‘AstuRisas’ celébrase n’Avilés de xueves a domingu by redacción asturnews 30 de xunetu, 2020 written by redacción asturnews 30 de xunetu, 2020 1,3K El Festival d’arte na cai ‘AstuRisas’ va celebrase na plaza Álvarez Acebal d’Avilés de xueves a domingu, dende esta fin de selmana. Na so XVII edición, ye una de la cites del branu avilesín. Dende les 5 de la tarde a les 9 de la nueche va haber malabares, maxa, humor, ventrílocuos, clowns, circu y actividaes para tolos públicos. Niumpaloal’Arte, el magu Charly Show, la compañía Sempre Enriba, Circu na lluna, Cirkompacto traen los sos espectáculos llenos d’humor. Anguaño’l Festival d’Arte na Cai AstuRisas tampoco falta a la so cita habitual y camuda d’allugamientu, pero siempres respetando la normativa de la nueva normalidá pola pandemia del Covid. Hai que guardar la distancia de seguridá y llevar el mázcaru siempres puestu. Del 30 de xunetu al 2 d’agostu la plaza la plaza Álvarez Acebal va acoyer la XVII edición d’esta cita habitual del branu avilesín con espectáculos para tolos públicos para ver en familia, dende les 5 de la tarde a les 9 de la nueche. Malabares, maxa, humor, ventrílocuos, clowns, circu van enllenar d’actividaes cuatro díes azogosos onde les rises tán garantizaes na programación que preparó l’asociación cultural Abiertu Asturies. Xueves 30 de xunetu 17:00 hores Ludomóvil Bagul abiertu. (Circuitu de Karts a Pedales) 18:00 hores Niumpaloal’Arte (Natación SinCLOWNIzada) 19:00 hores Magu Charly Show 20:00 hores Cirkompacto (Hell Brothers) La tarde empieza con una ludoteca móvil na que podrá esfrutase de los coches a pedales y pasará-y el relevu a la compañía Niumpaloal’Arte col so espectáculu de ‘Natación Sinclownizada’. Tratar d’una risondera y esbarriada pieza teatral al traviés del clown y el mimu corporal na que xuna pareya de nadadores sincronizaos, nadador y nadadora, tienen enforma que dicir, anque nun usen les palabres. Los dos tán dispuestos para faer hestoria nos xuegos olímpicos, pero sobremanera para faenos rir a quexal batiente. El magu Charly Showman va traenos el so espectáculu ‘Suaños Máxicos’, un espectáculu de magia humor y ventriloquia dende maxa de barganal, a grandes ilusiones espectáculu cola participación del públicu, tamién maxa para neños col magoyaso, ideal para tola familia. Cirkompacto va presentanos ‘Hell Brothers’. Esta compañía ye la unión creativa d’Iván Casanova y Malala Ricoy. Nacida so la premisa de la importancia que’l circu y les artes escéniques pueden tener y tuvieron na educación social, tien como oxetivu cargar con conteníu tolos sos espectáculos. Más información 0 FacebookTwitterPinterestEmail Anterior Últimes places pal campus infantil y xuvenil “Branu con arte” de la Factoría Cultural siguiente IX reprocha que la campaña de matriculación en Llingua dexárase pal 31 de xunu Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre El Trasiegu Fest conclúi col envís de poner... El Trasiegu Fest va tener un mercáu con... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...