El fabricante de carne alternativo, Beyond Meat, cuadriplica les sos vientes

by redacción asturnews | agosto 7, 2019 8:48 am

L’últimu llunes de xunetu, el fabricante de productos cárnicos alternativos  a base d’arbeyos, Beyond Meat, dio a conocer el so segundu informe trimestral del añu. Según esti postreru, la empresa habría prácticamente cuadruplicao les sos vientes nos postreros trés meses, superando asina les mires de Wall Street.

Los ingresos netos de Beyond Meat algamaron los 67,3 millones de dólares estadounidenses mientres esti periodu, en comparanza colos 17,4 millones de dólares rexistraos n’ese mesmu periodu l’añu anterior.

La crecedera nos ingresos netos mientres esti segundu trimestre foi en gran midida impulsá pola progresiva espansión de los sos puntos de distribución, aumentando la so collaboración con restoranes y servicios d’alimentación y dexando de depender namá de la vienta al per menor. Esti cambéu d’estratexa, sicasí, terminó costar a la empresa perdes netes de 9,4 millones, o 24 centavos por acción.

Amás, un día dempués del anunciu d’estes resultancies, la noticia d’una ufierta secundaria d’acciones de Beyond Meat desencadenó la cayida de les sos acciones en bolsa, cerrando la sesión del martes con un esbarrumbe de más del 12%.

Fuente: es.statista.com[1]

Endnotes:
  1. es.statista.com: https://es.statista.com/grafico/18874/nuevos-canales-de-distribucion-cuadriplican-ventas-de-beyond-meat/

Source URL: http://asturnews.com/el-fabricante-de-carne-alternativo-beyond-meat-cuadriplica-les-sos-vientes/