Portada Educación El ‘Erasmus Rural’ becará a 200 universitarios nel so primer añu

El ‘Erasmus Rural’ becará a 200 universitarios nel so primer añu

by redacción asturnews

El Gobiernu, cola collaboración de les universidaes públiques, va empecipiar el próximu añu un programa de formación al que yá llamen “Erasmus Rural” que pretende cumplir un doble oxetivu: reconectar a la mocedá coles zones más despobladas del país y contribuyir al dinamismu y al emprendimiento nestes árees rurales.

La esperiencia, que va ser bautizada como ‘Campus Rural’, ya ta moteyándose como ‘Erasmus de la España balerada’ o ‘Erasmus Rural’ y escuerre que los mozos urbanos conozan y convivan colos habitantes, ventayes y llimitaciones d’esti otru territoriu y qu’afayen el mediu rural como un posible llugar de residencia y d’oportunidaes.

La idega ye qu’estudiantes de cualquier carrera o máster oficial de les universidaes públiques españoles puedan completar la so formación académica con unes práctiques en pueblos de la España rural, preferentemente en riesgu de despoblación, con una duración mínima de trés meses y máxima de cinco.

Los becarios, que van vivir una auténtica esperiencia inmersiva, moraríen nel mesmu pueblu nel que se formen, siempres localidaes de menos de 5.000 habitantes, y van ampliar les sos conocencies y competencies n’empreses, organizaciones, entidaes de too tipu o instituciones del conceyu que los sos proyectos seríen aprobaos con anterioridá por un comité evaluador formáu por representantes del ministeriu promotor, el de Transición Ecolóxica y Retu Demográficu, y de los sos collaboradores, el Ministeriu d’Universidaes y les universidaes públiques.

El ‘Erasmus Rural’ va poder cursase, a partir de 2022, ente’l 1 de mayu y el 30 d’avientu, y los becarios van recibir pa la so mantención 1.000 euros brutos mensuales y l’alta na Seguridá Social. Pa llevalo a la práctica’l Ministeriu de Transición Ecolóxica va roblar un conveniu tresañal con cualquier universidá pública comenenciuda n’incorporar esta iniciativa a la so bolsa de práctiques formatives, que va regular el programa, y cada añu va actualizar la ufierta de places y la remuneración de los beneficiarios, con idea de que, si ye un ésitu, dambos elementos vaigan a l’alza.

La primer fornada del programa conformarase de 200 universitarios que siempres van tener qu’incorporase a esperiencies formatives allugaes en localidaes d’una autonomía distinta a onde ta’l campus nel qu’estudien y que, en nengún casu, el llabor a van desempeñáu va poder sustituyir a un puestu de trabayu estructural o permanente. Mientres la beca, l’alumnu tendrá de cuntar con un tutor académicu -perteneciente a la universidá- y con otru tutor de práctiques, perteneciente a la entidá receptora del estudiante.

Nun se desvelaron tolos criterios que se van utilizar na selección, pero ya s’avanzó qu’evidentemente l’alumnu va tener que tener un perfil académicu afayadizu pal puestu d’aprendizaxe y que l’elementu determinante pa l’axudicación va ser l’espediente académicu. Lo que sí s’estableció yá ye que’l máximu de meses de formación que va poder ufiertar caúna de les universidaes públiques participantes ye de 300 meses. Esto ye, ente 6 y 10 alumnos, dependiendo de que sían práctiques de trés o cinco meses. La idea ye que’l programa caltenga un equilibriu territorial.

Les fases del programa tienen lacso primer fecha clave’l próximu 30 d’ochobre, la fecha llende por que les empreses, entidaes o instituciones de los enclaves rural que lo deseyen puedan presentar les sos propuestes de práctiques a les universidaes públiques. Los campus van faer una primer preselección y van unviar, antes del 15 de payares, a la Comisión Xestora del programa los sos candidatos. Esti comité evaluador va disponer d’un mes pa pesllar la ufierta final de práctiques y, ente’l 15 d’avientu y el 15 de febreru, van escoyese los alumnos beneficiaos con cada beca.

Tamién te podria gustar