Portada Sociedá El ‘Ecce Homo’ navarru sufre daños irreversibles

El ‘Ecce Homo’ navarru sufre daños irreversibles

by redacción asturnews

El San Jorge de Estella, de la ilesia de San Miguel de Estella (Navarra), ye irrecuperable, sigún constata un informe que’l Gobiernu de Navarra unvió a la Fiscalía qu’investiga la intervención practicada na talla policromada del sieglu XVI , que recuerda a la del ‘Ecce Homo’ de Borja, per parte d’un taller de manualidades de la población navarra.

L’estudiu que se diera a conocer esta selmana constata que dalgunes de les actuaciones que sufrió la pieza son “irreversibles”. L’Asociación de Conservadores Restauradores d’España interpunxo una denuncia contra la empresa Karmacolor Estella, un taller de manualidades onde se pintó la talla ensin siguir los procedimientos y técniques obligatorios n’oxetos artísticos y hestóricos catalogaos, de forma que l’informe reconoz que la pieza nun va poder devolvese al estáu nel que s’atopaba.

L’Executivu navarru nun tien incoáu pel momento un procedimientu sancionador en relación cola intervención na talla policromada de San Jorge de Estella, cuidando que el Ministeriu Fiscal ta practicando dilixencies para la comprobación del fechu y la responsabilidá penal de los partes. Según los primeros estudios que realiza’l Serviciu de Patrimoniu Históricu, “teniendo en cuenta l’altu porcentaxe de policromía esaniciada, y la realización de tratamientos irreversibles como ‘hidratar’ la madera con aceite de llinaza, va ser imposible algamar los oxetivos de caltenimientu integral y respetuosa d’esta importante pieza”.

“Una restauración científica nel estáu en que s’atopa agora la pieza pue devolver parte del so valor históricu artísticu, pero ensin llegar al puntu de partida, una y bones delles de les actuaciones fueron irreversibles”, constata. Tres la finalización el pasáu 5 de xunetu de los estudios radiolóxicos (semeyes con rayos X) de la pieza para evaluar el caltenimientu de les capes con policromíes históriques, ta previstu qu’esti martes empecipien les cates y pruebes para valorar el costu de retirada de materiales añedíos, fixación y recuperación de capes históriques.

La talla de San Jorge a caballu realizóse escontra 1500, n’estilu góticu hispanoflamenco, y forma parte del Rexistru de Patrimoniu Cultural de Navarra como Bien Inventariáu. Tratar d’una escultura de gran tamañu (200×150 centímetros), realizada en nocéu y d’unos 250 quilos de pesu, que representa al santu a caballu ablayando al dragón y que’l so autor foi probablemente’l maestru Tarín o Terín, natural de Zaragoza y afincáu en Estella.

Tamién te podria gustar