Música El dúu Solenzara actua güei a les ocho la tarde nel Vieyu Institutu Xovellanos de Xixón by asturnet 17 de setiembre, 2008 written by asturnet 17 de setiembre, 2008 50 El dúu Solenzara fórmenlu Felipe Franco Álvarez (Fran) y Guillermo Llana y van tocar a les ocho la tarde dientro del espaciu de l’Arribada, en Xixón. Fran escomenzó a estudiar col baxista y director de música José Félix Castilla, nos años 60. Entamó la so andadura formando parte de la Rondalla de L’Entregu, tocando llaúd, bandurria y mandolina, ganando campeonatos d’España dellos años. Nos 70 ye baxista de les orquestes Silver Star ya Impacto. Treslládase a Madrid ondo forma parte del grupu Azahar. De vuelta n’Asturies tocará con Asturcón, Fervinchu de cáñamo, Acelga y Nuberu, y acompañará a solistes como Elena Sánchez y Manolo Quirós, ente otros. Tará en formaciones como Bloque, grupu representativu del rock sinfónicu. Tres tocar col grupu de jazz Trajes de 20$ acompaña, como baxista, a músicos de renome como Berto Turulla, Oliver Díaz, Antonio de la Fuente, Isaac Turienzo, José Ramón Feito y Jorge San Julián. Nos años 90 ye miembru fundador de la prestixosa orquesta Assia, na que permanez como baxista 11 años. Guillermo Llana combinó’l so aprendizaxe cola asistencia a clases y talleres de guitarra nel Taller de Músicos de Xixón. Formó parte de bandes como Insania, Nasciturus o Fabba. A partir de 2000 dedícase per entero a la música, compaxinando trabayu n’orquestes profesionales con otros proyectos, materializaos en grupos como Zipi Zape top, Falkatrúa, Electric alligators, ente otros. Introducióse tamién nel tarrén de la producción musical per computador, dende’l puntu de vista de la creación como de la producción. 0 FacebookTwitterPinterestEmail Anterior Los cursos de la UP de Xixón inclúin 3 d’asturianu siguiente La blogosfera n’asturianu acaparó la xornada del martes de L’Arribada Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón