Portada Comunicación El dúu Mestura va tar en “Falando d’Asturies”, de la Cadena Ser, esta fin de selmana

El dúu Mestura va tar en “Falando d’Asturies”, de la Cadena Ser, esta fin de selmana

by asturnet

El dúu Mestura va tar presentando esti sábadu’l so discu últimu “Poemes de carambelu”, nel espaciu “Falando d’Asturies”, que presenta Inaciu Galán, dientro del programa “A vivir que son dos días”, de la Cadena Ser de Xixón, que se garra nel 96.5 del FM.

“Poemes de carambelu” foi nun entamu un llibru de poemes infantiles espublizáu pola voz femenina del dúu, Marisa López Diz. La música cuerre a cargu de la otra metá del dúu, Luis Suárez. El discu, editáu por Pintar Pintar, ta producíu por Mento Hevia, que tamién collabora tocando’l baxu, la percusión y los sintetizadores. Marta Rodríguez foi, pela so parte, la encargada del curdión.

El domingu y tamién dientro d’“A vivir que son dos días”, na estaya “Xixón de cerca”, Inaciu Galán treslládase esta selmana a l’Asturies de 1808, recordando los fechos d’aquel día en directu y dende los llugares que los protagonizaron.

Tamién te podria gustar