El dramaturgu Juan Mayorga va ocupar la siella ‘M’ de la RAE

by redacción asturnews | abril 13, 2018 10:02 am

El plenu de la Real Academia Española escoyó esti xueves al dramaturgu Juan Mayorga (Madrid, 1965) para ocupar la siella M, vacante dende’l fallecimientu de Carlos Bousoño, el 24 d’ochobre de 2015.

La candidatura de Mayorga foi presentada polos académicos Luis María Anson, Luis Mateo Díez y José Manuel Sánchez Ron, según informó la institución. Y tal como establecen los estatutos y el reglamentu de la RAE, el nuevu académicu va tener que lleer llueu’l so discursu d’ingresu na corporación para tomar posesión de la so plaza.

La RAE cunta con un total de 46 sielles académiques. El postreru en ser escoyíu, nel plenu del 30 de payares de 2017, foi l’helenista Carlos García Gual. L’arabista Federico Corriente, escoyíu’l 6 d’abril de 2017, va lleer llueu’l so discursu d’ingresu.

Source URL: http://asturnews.com/el-dramaturgu-juan-mayorga-va-ocupar-la-siella-m-de-la-rae/