Portada Cine El documental que desmonta les fakes sobro Greta

El documental que desmonta les fakes sobro Greta

by redacción asturnews

El Festival de cine de Venecia tuvo esti vienres pasáu una convidada bien especial. La moza activista sueca Greta Thunberg atayó les sos clases pa conectase por videoconferencia y presentar I am Greta, un documental con imaxes inédites que percuerre los sos pasos desque empezó a faer fuelgues climátiques nel 2018.

Un documental qu’aporta hasta que se convirtió nuna figura mundialmente conocida y dio el so famosu discursu na asamblea xeneral de les Naciones Xuníes, en septiembre del 2019. Y una película que, según aseguró, desmonta les teoríes que s’arrobinaron sobro la so figura.

El documental ye resultáu de les más de 100 hores de grabación del cineasta Nathan Grossman, que siguió a Greta desque empezaba a protestar énte’l Parlamentu suecu hasta que crució l’Atlánticu en veleru. Nél afaya la cara más íntima de l’activista, dende la so pasión polos animales, la so obsesión con desenguedeyase’l pelo o’l so perfeccionismu: nun llogra tar sele hasta que nun haya nenguna falta d’ortografía nos sos discursos, qu’escribe dafechu sola.

“Dalguna xente espubliza teoríes diciendo que nin falo nin piensu por mio mesma, y que daquién escribe’l mio discursu. Na película puedes ver que nun ye verdá y que, poques gracies, falo y escribo por mio mesma”, aseguró mientres la rueda de prensa de presentación del documental.

La cinta amuesa una adolescente a la que nun-y gusta socializar y que, dempués de ver na escuela xuna película sobro osos polares esfamiaos y los efectos de los furacanes, decide aprender tolo que diz la ciencia sobro los efectos del cambéu climáticu. El so padre, que la acompaña en tou momentu, llega a asegurar que Greta sabi más sobro esta emerxencia qu’el “97% de los políticos” por causa de xuna memoria fotográfica: recuerda tolo que llee ya interésa-y.

Tamién te podria gustar