Portada Cine El doblaxe al asturianu de Charada va estrenase en Cangas del Narcea

El doblaxe al asturianu de Charada va estrenase en Cangas del Narcea

by asturnet

El 7 d’agostu viniente, en dientro les actividaes de la UABRA (Universidá Asturiana de Branu) qu’entama l’Academia de la Llingua, va estrenase’l doblaxe de Gonzali producciones del clásicu cinematográficu Charada. La proyección fadráse nel Teatru Toreno de Cangas del Narcea, a partir de les 22:30 hores.

Nueu doblaxe asturianu d’un llargumetraxe a cargu de Gonzali Producciones, esta vegada trátase de “Charade” (Stanly Donen, 1963). “Charada” como s’entitula n’asturianu va presentase na Universidá Asturiana de Branu qu’entama l’Academia de la Llingua Asturiana, en Cangas del Narcea’l 7 d’agostu.

CHARADA (‘Charade’ nel so títulu orixinal) ye una película del añu 1963 y 113 minutos de duración, dirixida por Stanley Donen, que protagonicen Cary Grant y Audrey Hepburn. Tamién actúen nella los actores Walter Matthau, James Coburn, George Kennedy, Dominique Minot, Ned Glass y Jacques Marin. La banda sonora y música de créditos son de Henry Mancini y los títulos animaos de Maurice Binder.

Tamién te podria gustar