Portada Conceyos El #DíaDeLaRuta de la Plata celébrase’l 18

El #DíaDeLaRuta de la Plata celébrase’l 18

by redacción asturnews
Dia de la Ruta de la Plata 2015

El próximu día 18 de setiembre celebrase’l Día de la Ruta Vía de la Plata 2015, porque nesa fecha remémbrase la nacencia del primer emperador romanu non procedente de la Península Itálica, Traxano (añu 53), y unu de los que confirieron a esta calzada romana la so forma definitiva y quien la dotó d’infraestructura.Esta conmemoración ye una iniciativa de la Rede de Cooperación de Ciudaes na Ruta de la Plata quién empecipió esta celebración el pasáu añu coles mires de valorizar “unu de los conxuntos más interesantes del nuesu patrimoniu históricu: la vía de la plata; y aumentar y completar la conocencia alrodiu de los conceyos polos qu’escurre esti curiosu itinerariu, posesor d’un importante referente artísticu y cultural”.
Pa ello, numberoses actividaes culturales, gastronómiques y artístiques empobinaes a tolos públicos van desenvolvese por distintos conceyos de la Ruta Vía de la Plata mientres los meses de setiembre y ochobre.
Tola información relativa a los actos de celebración del Día de la Ruta Vía de la Plata 2015 puede siguise en Twitter col hashtag #DíaDeLaRuta.

Tamién te podria gustar