Portada Conceyos El Día Internacional de la Llingua Materna celébrase nel IES García de la Concha

El Día Internacional de la Llingua Materna celébrase nel IES García de la Concha

by redacción asturnews
Cartelu del Día de la Llingua Materna 2017

Esti martes 21 de Febreru l´IES Víctor García de la Concha celebra´l día Internacional de la Llingua Materna con delles actividaes qu’inclúin esposiciones, charres y conciertos.

Esti día fue proclamáu pola UNESCO el 21 de Febreru del 2000 y celébrase en tol mundu pa promover la diversidá llingüística y cultural y el plurillingüismu. La llingua materna, como cualquier llingua, recueye toles posibilidaes comunicatives, estétiques y creatives. Ye un preséu más nel viaxe a la competencia llingüística.

L´institutu García de la Concha va organizar por mor d’esto delles actividaes: presentación del material de La Güerta n´Asturianu, esposición de carteles sobre la Historia de la Llingua Asturiana, y una charra-conciertu con miembros de dellos grupos asturianos Skama La Rede y Melandru. El programa d’actividaes pue vese completu na Web del IES Victor García de la Concha.

Por cuenta de la celebración del Día Internacional de la Llingua Materna, dende la Conseyería d’Educación y Cultura anímase a toles Comunidaes Educatives del Principáu d’Asturies a que nos recreos del día 21 de febreru se llea públicamente’l manifiestu que s’acompaña d’embaxo.

 

Tamién te podria gustar