El Día de les Lletres sacó a la cai’l Proyectu civil pa 2018: la Oficialidá

06 mayu 10:21 2017 Imprimir

Una gran acoyida y participación per parte de la sociedá civil, a pesar de les males condiciones meteorolóxiques qu’entamaron cola mayor tormenta del añu un par d’hores enantes, foi lo más sinificativo d’una manifestación pola Oficialidá que sirvió esti añu a la XDLA pa presentar el so Proyectu pa 2018: reformar l’Estatutu.

La Manifestación pola Oficialidá qu’entamó a les 19:30 hores y salió de la Estación del Norte d’Uviéu cuntó con una participación sinificativa a pesar de les males condiciones y un discursu que amuesa l’enfotu de la sociedá civil por movilizase otra vuelta pa algamar la Oficialidá reformando l’Estatutu d’Autonomía. Depués de la concentración, munchos de los manifestantes quedaron al actu del Teatru Campoamor onde se celebró como davezu la Xunta Estraordinaria de l’Academia de la Llingua.

Les décades últimes, marcaes pola reivindicación permanente y polos avances na concepción y apreciu que la sociedá tien del idioma marcaron como cada añu’l discursu que la Xunta pola Defensa de la Llingua ufrió al finar la manifestación. Unos avances que “nunca encontraron respuesta na clase dirixente asturiana: una clase dirixente, qu’agora vese claro, tuvo dedicada a la xestión desastrosa d’Asturies, convirtiéndola nuna comunidá fallida, onde cuasi naide ye quién a albridar un futuru factible, razonable y posible”.

Por eso, na Xunta vienen trabayando pa que los derechos llingüísticos de la ciudadanía asturiana queden aseguraos definitivamente y “pa que s’abra yá d’una vez una nueva etapa de normalización y d’a tamientu de la tresmisión interxeneracional”.

Al finar la manifestación, nel discursu que davezu ufre la organización quedó afitao tamién que
se lleven meses trazando d’esplorar y andar, pela primer vez na historia contemporánea d’Asturies, caminos nuevos qu’empobinen a una reforma del Estatutu d’Autonomía, a costafecha pa incluyir la o cialidá del asturianu. Ye’l momentu y hai la oportunidá, ye la primer vez que la Xunta Xeneral tien na mano aniciar un procesu de reforma ensin nengún de los partíos hasta agora mayoritarios”.

Nesti Día de les Lletres de 2017 la XDLA quería amosar que taben en condiciones d’anunciar yá’l “Proyectu 2018 pa la O cialidá”: “Tamos falando d’echar a andar na Xunta Xeneral una reforma estatutaria al traviés del Artículu 56.1. Pa eso, contamos col compromisu d’un grupu, ampliu y plural, de más d’una cuarta parte de los diputaos y diputaes. Y dende agora mesmo vamos ponenos a trabayar pa sumar a esti procesu una mayoría su ciente que permita zarrar la reforma en positivo, aprobando la o cialidá del asturianu”.

Iniciativa pol Asturianu ufrió esti añu dellos materiales pa usar na rede, asina como pa imprimir y usar en cualesquier ámbitu, col lema “Oficialidá pal asturianu ye futuru”. Y precisamente con esti lema vendiéronse camisetes que llevaron los sos simpatizantes y que, en vista del éxito, van seguir comercializándose.

  Categories:
Loading Facebook Comments ...