El día de la Reciella sedrá’l 4 d’ochobre en Xixón

El día de la Reciella sedrá’l 4 d’ochobre en Xixón
23 setiembre 10:19 2015 Imprimir

Un añu más l’asociación Reciella de families pol asturianu presenta’l cartelu del Día de la Reciella, que va tener llugar nel Muséu del Pueblu d’Asturies el próximu domingu 4 d’ochobre.

Como tolos años l’oxetu d’esta cornada ye, sigún la organización, “poder pasar un día completu en familia nun espaciu y nun contestu nel que la música, los talleres, les actividaes ¡y hasta la comida! seya n’asturianu”.

Anque nos próximos díes darase a conocer el programa d’actividaes, de xuru que sedará asemeyáu al que l’añu pasáu tuvo abondu éxito ente les families asturianas nel Muséu del Pueblu d’Asturies. La programación, entamará de xuru a les 11 la mañana y rematará sobro les 7 la tarde cola danza prima, siempre col asturianu como idioma vehicular.

L’añu pasáu a partir de les 11.00 la mañana les asociaciones Trebeyos y Esbilla empobinaron dos espacios con xuegos medievales y tradicionales asturianos respectivamente y fízose, también pela mañana, una exhibición infantil de Bolos organizada en collaboración cola Federación Asturiana.

Dempués de la cinta nel mesmu recintu con puestos de comida y bébora pa sufrir facilidades a les families que nun quixeran cocinar, el programa de tarde entamaba cola participación de los promotores d’El cantar del vasu y completabase con un taller d’’instrumentos tradicionales dirixíu pol músicu David Varela. El programa finaba con un conciertu acústicu de Pop Piquiñín, presentando dellos temes de “Nun mos gusten los llunes“, el so segundu discu n’’asturianu.

Loading Facebook Comments ...