Portada Tecnoloxía El Cursu Espertu Universitariu en Startups ufierta un Taller con Diego Cabezudo

El Cursu Espertu Universitariu en Startups ufierta un Taller con Diego Cabezudo

by redacción asturnews

Esti ienres, dientro de les actividaes desenvueltes nel Cursu Espertu Universitariu en Startups Milla de la Conocencia, desenvueltu por Impulsa y l’Universidá d’Uviéu al traviés de la Facultá de Comerciu, Turismu y Ciencies Sociales Xovellanos, va tener llugar esti taller gratuitu.

Esti vienres día 11 de 16 a 20 hores, na sala de conferencies del Edificiu Impulsa (sito en C/Los Praos, 166 del Parque Científicu Tecnolóxicu de Xixón), va tener llugar el taller impartíu por Diego Cabezudu (CEO y Co-fundador de Gigas) “Cómo desenvolver en Excel un cuadru de mandu pa una startup” (esti cuadru de mandu nun ye aplicable solamente a startups, sinón a cualquier tipu d’empresa).

El taller ta enmarcáu dientro del Cursu Espertu Universitariu en Startups Milla de la Conocencia, Títulu Propiu de la Univesidad d’Uviéu, pero ta abiertu a cualquier persona

Pa confirmar la vuesa asistencia solo tenéis qu’unviar un email a startupsmillaarrobauniovi.es

Al ser un taller, ye necesario allegase con un dispositivu portátil con Excel.

Diego Cabezudu foi COO de la empresa Fon, director d’estratexa n’O2 y na actualidá desenvuelve la so actividá llaboral como CEO de Gigas, empresa cotizada en bolsa y con veceros como Gas Unión Fenosa, EY o FCC.

Tamién te podria gustar