El CUPA anima a sumase a les protestes pol borrador de Reglamentu de Doctoráu que nun inclúi al asturianu

30 xunu 04:33 2011 Imprimir

El Conceyu Universitariu pol Asturianu dio anuncia de la posibilidá de sumase a la so reivindicación d’un Reglamentu de Doctoráu que recueye la posibilidá d’usar l’asturianu n’igualdá de condiciones col castellán. Pa ello ufren un modelu de reclamación “col que namás añandiendo los datos personales puede facese la reclamación a la Universidá d’Uviéu”, unviando, hasta’l sábadu 2 de xunetu (incluyíu), al corréu lletrónicu viceordenacion@uniovi.es

Col envís de contabilizar el númberu de reclamaciones unviaes el CUPA pide que se mande copia del corréu unviáu al corréu de la organización conceyuasturianu@gmail.com La fueya tipu puede descargase nel enllaz qu’Asturnews ufre nesta noticia.

El CUPA anunció amás, qu’igual que ficiera ayeri l’Academia de la Llingua Asturiana, acaba de solicitar un conceyu col Rector pa los próximos díes de cara a conocer la postura d’esti, “dempués de facer unes declaraciones a un periódicu asturianu nes que pedía calma y dicía que diba solucionar esti conflictu de forma positiva pal asturianu”, recuerden.

Descarga la fueya-tipu pa facer la protesta

  Categories:
Loading Facebook Comments ...