El “Cuartetu Llíricu” ufre conciertu en La Pola

El conxuntu de cuerda, “Cuartetu Llíricu” (oboe, violín, viola y violonchelu), va ufiertar un repertoriu con composiciones de Cimarosa, Schubert y Mozart, esti martes 21 de payares, a les 20 hores, nel Teatru Auditoriu.

Cuartetu Llíricu naz nel añu 2016 debíu al interés de los sos miembros n’interpretar y dar a conocer la música de cámara escrita para los preseos de la familia de les cuerdes y l’oboe, fechu que ta sofitáu pola amplia esperiencia de los sos miembros, tantu nel campu interpretativo como nel docente.Dende la so presentación realizaron conciertos tantu dientro como fora de la rexón, formando parte asiduamente de l’axenda  del Principáu d’Asturies, lo mesmo que de les comunidaes estremeres, recibiendo gran acoyida per parte del públicu.

Amás, Cuartetu Llíricu participa regularmente en festivales y concursos tantu a nivel nacional como internacional. El cojunto ta formáu por Pablo Amador(oboe), Jorge Díaz (violín), Sara Chordà (violonchelu) y Adrián Vázquez (viola).

– Conciertu para cuerdes y oboe, en do menor.
D. CIMAROSA (1749-1801)

– Trio para cuerdes D.471, en si bemol mayor.
F. SCHUBERT (1797-1828)

– Cuartetu para oboe y trio de cuerdes K. 370, en fa mayor.
W. A. MOZART (1756-1791)

Cuartetu Llíricu escueye esti repertoriu para dar a conocer les sonoridaes de los distintos preseos de cuerda xuntu con unos de los preseos de vientu más espresivos, como ye l’oboe, estremando el colores, matices y testures de cada unu d’ellos, interpretando un repertoriu bien ricu.