El CPR de Xixón entama un cursu d’estratexes pal deprendiemientu de la llingua asturiana

19 ochobre 10:36 2009 Imprimir

El Centru del Profesoráu y de Recursos de Xixón (CPR-Xixón) entama un cursu de trenta hores embaxo’l títulu “Estratexes pal deprendimientu de la llingua asturiana y de la lliteratura”. La idea del cursu ye actualizar los métodos de los maestros y va entamar el cuatro de payares, y terminar el 4 d’avientu, con ente 20 y 30 places, otorgando a los maestros que superen el cursu, trés créitos. Les clases van ser de 5 a ocho.

El cursu va dase con metodoloxía abierta y flexible: esposición de materiales y de recursos, trabayu en grupu, difusión d’esperiencies, teniendo les sesiones un enfoque prácticu dafechu.

El plazu p’apuntase termina’l 30 d’ochobre. Los interesaos han pasar pela cai Camín del Cortijo, 17, en Xixón, llamar al 985342100 o escribir a carlolom@educastur.princast.es

Al cargu del cursu van tar los profesores Marián García Rodríguez y Xurde Fernández Fernández.

Información complementaria del cursu

  Categories:
Loading Facebook Comments ...