El CP Virxe de les Marees d’Avilés va treslladase a la Escuela Infantil de Cantares, que va acoyer un proyectu pioneru de 0 a 12 años

El CP Virxe de les Marees d’Avilés va treslladase a la Escuela Infantil de Cantares, que va acoyer un proyectu pioneru de 0 a 12 años
26 febreru 12:10 2019 Imprimir

Los alumnos y alumnes del Colexu Públicu Virxe de les Marees van pasar a recibir les sos enseñances nes actuales instalaciones de la Escuela Infantil de Cantares, una vegada efectuaes les obres d’adecuación necesaries per parte de la Conseyería d’Educación.

Nestes instalaciones va desenvolver n’espacios estremaos y acondicionaos- un proyectu educativu innovador p’alumnos y alumnes de 0 a 12 años nun modelu pioneru na escuela pública n’Asturies. Asina lo anunció la concejala d’Educación, Yolanda Alonso, na sesión plenaria celebrada’l xueves 21 de febreru. Alonso garantizó que’l nuevu centru escolar va cuntar con servicios de comedor, biblioteca y despachos. Tamién se refirió na so intervención al nuevu proyectu de renovación pedagóxica que se va impartir nesti centru.

Con esti agrupamientu de les enseñances educatives públiques nes instalaciones de la Escuela Infantil de Cantares, les instalaciones del actual colexu del Nodo van quedar a disposición  del Centru Integráu de Formación Profesional del Deporte (CIFP). La previsión ye qu’esti CIFP va poder ocupales nel cursu 2020-2021, una vegada que la Conseyería acondicione los espacios cola execución d’un proyectu de 228.000 euros anguaño en procesu de contratación.

Pela so parte, l’alcaldesa d’Avilés, Mariví Monteserín, aseguró que “atopemos la meyor solución a una situación complexa. La nuesa primer esmolición yera l’alumnáu y caltener un colexu públicu na zona teniendo en cuenta les característiques de la población, y asina se faló cola Conseyería”.

Monteserín esplicó que “cuando vimos esta posibilidá d’utilizar les instalaciones de la Escuela Infantil de Cantares, punximonos a trabayar coles dos conseyeríes afectaes hasta atopar esta solución que nos dexa dotar d’instalaciones ameyoraes para’l CIFP del Deporte y dexa caltener un colexu públicu de referencia na zona. Estimo públicamente’l trabayu conxuntu de les conseyeríes d’Educación y de Servicios y Derechos Sociales col Conceyu”.

Esti asuntu foi oxetu d’alderique nel Plenu coincidiendo con dos mociones sobro’l CIFP del Deporte y el CP Virxe de les Marees, presentaes polos grupos municipales de Somos ya Izquierda Xunida, per un sitiu, y Ganemos, por otru; dambes mociones fueron refugaes.

  Categories: