El country de Sarah Shook empecipia’l nuevu ciclu de Factoría Sound

L’últimu ciclu de Factoría Sound en 2022 empieza col recital d’unu de los talentos emerxentes del country, y el so estilu descarnáu: Sarah Shook xunto la so banda, The Disarmers. Va ser el primeru de los cuatro conciertos que van tener llugar hasta payares, na sala escénica de la Factoría Cultural, esti vienres, 9 de setiembre, a les 21 hores.

Una nueva propuesta del más altu nivel nacional ya internacional qu’amás de Sarah Shook, va cuntar con otros dos recitales con artistes estadounidenses, Ward Hayden & The Outliners y Jesper Lindell, y un terceru protagonizáu polos bretones de Komodor. Un cartelu que nun fai sinón reforzar el calquier de Factoría Sound y Avilés como referentes de la meyor música nel norte d’España.

Sarah Shook protagonizó un esllumante debú en 2017 na siempres refrescante escena del country alternativu, de l’American Music, que cunta con artistes de la talla de Lydia Loveless o Nikki Lane. Nel escenariu tresmite la mesma garra y el gabitu reivindicativu que na so vida personal, activista social declarada abiertamente atea, bisexual y vegana.

Madre soltera que vive n’una caravana nel sur de los Estaos Xuníos, nacida en 1985 y criada nun ambiente conservador y bien relixosu, nun aportó al mundu de la música popular hasta que con 19 años una amiga emprestó-y un discu de Belle & Sebastian. Gracies a esi descubrimientu tou camudó para ella.

Dedicada de forma definitiva a la música, primero como Sarah Shook and The Devil y tamién con Dirty Hands, l’ésitu llegó-y diez años dempués, acompañada pola so nuevu formación, The Disarmers. O lo que ye lo mesmo, Eric Peterson (guitarra solista), Aaron Oliva (baxu), Phil Sullivan (pedal steel), y Will Rigby (batería).

La so música surde de les coraes, y si nos sos dos primeros trabayos, “Sidelong” (2017) y “Years” (2018), amosábase fiel a la llínea un tanto aspra del country outlaw, les sos temes amuésense más atentes na so más recién álbum, “Nightroamer” (2021), en que la so xira de promoción atópase somorguiada, tantu nel so país como per Europa.

Nesti nuevu discu ella mesma firma les 10 cantares que lu componen, un fiel testimoniu de la vida, de les relaciones humanes. Una sólida amuesa del maduror qu’algamó como artista, espresada en cantares como “Something Else”, “Been your loving” o “Non mistakes”, nes que l’aire country convive y se transmuta en folk rock, con lletres cargaes d’esperiencia.

Les entraes atopense a la vienta nes canales habituales, con un preciu de 10 euros, 12 el día del conciertu, y de 30 euros en casu de retirar un abonu pa los cuatro cites del ciclu Fctoría S0und. Pueden adquirise na web  y la taquilla de la Casa de Cultura.