El coru de Cámara de la Universidá de Oregón actua esti xueves na Catedral d’Uviéu

La Orde de Santiago, na so programación de los actos para celebrar l’Añu Santu Xubilar Xacobeo 2021-2022, entamó un ciclu de conciertos a lo llargo del Camín de Santiago cola participación del magníficu coru de la Universidá de Oregón, dirixíu por Sharon J. Paul. Tratase d’una de les agrupaciones corales más prestixoses del mundu y la entrada al recital va ser gratuita, hasta completar l’aforu del templu.

El coru de cámara de la Universidá de Oregón ye un conxuntu de 36 sobresalientes voces mistes, especializáu en repertoriu a capella dende’l sieglu XVI hasta’l XXI. Los sos miembros son estudiantes de primeru de grau a posgrado y cursen principalmente estudios de música, anque dalgunos d’ellos estudien otres carreres como neurociencia y alministración d’empreses.

El coru de cámara espertó interés internacionalmente nos últimos años n’habiendo quedáu primeros o segundos en cuatro concursos corales internacionales, ganando apocayá’l primer premiu na categoría de coru de cámara nel concursu Grand Prix of Nations en Gotemburgo, Suecia, n’agostu de 2019.

Sharon J. Paul ocupa la plaza Robert M. Trotter de Música na Universidá de Oregón, onde anguaño ye directora del departamentu d’Interpretación musical y directora de

Actividaes corales. Imparte clases de dirección coral, repertoriu y pedagoxía p’alumnos de posgrado, amás de dirixir el Coru de Cámara, que foi premiáu internacionalmente.

En marzu de 2020, Oxford University Press publicó’l llibru de la Dra. Paul Art & Science in the Choral Rehearsal qu’amuesa munches de les creatives estratexes d’enseñanza, basaes na so esperiencia, que cultivó mientres la so carrera.