El coordinador d’IX abrió esti vienres les Xornaes de Memoria Democrática d’Uviéu

El coordinador d’IX abrió esti vienres les Xornaes de Memoria Democrática d’Uviéu
19 09:20 2016 Imprimir

El coordinador xeneral d’Izquierda Xunida d’Asturies, Ramón Argüelles, abrió esti vienres les xornaes de Memoria Democrática nel Caleyeru d’Uviéu, xuntu al secretariu xeneral del PCA, Francisco de Asis Fernández. 

Les xornaes, que se van desenvolver tamién esti sábadu, tan entamaes pol grupu municipal d’IX nel Conceyu d’Uviéu y nes mesmes van participar, esta tarde, Esther L. Barceló, responsable de Memoria Democrática d’IX Federal; el conceyal d’IX en Ganemos Palencia Juan Gascón; el profesor de Filosofía del Derechu de la Universidá Carlos III de Madrid, Rafael Escuderu; y la vocera de IX Cristina Pontón.

Pa güei sábadu, les xornaes plantéguense en forma charres y de trabayu de campu, con un paséu pol caleyeru franquista uvieín. Les charres van entamar a les 10:30 hores, cola ponencia d’Ana María Alonso, Secretaria Xeneral de la unión Comarcal de CC OO d’Uviéu, na qu’enceta la presencia femenina nes víes públiques de la capital.

A les 11:15, Francisco Erice, del colectivu Historia Crítica, y presentáu pol conceyal de Cultura d’Uviéu, Roberto Sánchez Ramos “Rivi”, va faer una repasada de les previvencies franquistes nel caleyeru.

Y, como’l movimientu demuéstrase andando, les xornaes van cerrar con un paséu pol caleyeru franquista d’Uviéu, que va empecipiar na Plaza de la Xesta, pa visitar Calvo Sotelo, Coronel Aranda, Comandante Caballero y Xeneral Yagüe, nun pasu nel que se van analizar eses cais y va plantegase una nueva propuesta democrática pa les mesmes. Nesti casu, van tomar la palabra José García y Rubén G, Riego, historiadores y profesores de secundaria.

  Categories:
Loading Facebook Comments ...