El conveniu cola Universidá va financiar una nueva Cátedra Xixón Azul

El conveniu cola Universidá va financiar una nueva Cátedra Xixón Azul
11 setiembre 09:55 2021 Imprimir

El conveniu cola Universidá d’Uviéu que vien desenvolviendo l’Ayuntamientu de Xixón va financiar una nueva Cátedra Xixón Azul y el II Proyectu Educativu de Ciudá.

La Xunta de Gobiernu local celebrada esti martes, 7 de setiembre, alcordó l’aprobación de la Adenda al conveniu tresañal suscritu en xunu de 2020 ente’l Conceyu de Xixón y l’Universidá d’Uviéu pal desenvolvimientu nel periodu 2020-22 de proyectos que supongan xuna meyora de la investigación, innovación y actividá económica con reflexu na ciudá.

L’aportación municipal pa 2021, por un total de 549.000 euros, inclúi la creación d’una nueva Cátedra Milla de la Conocencia, Xixón Azul, y la reactivación del plan estratéxicu Proyectu Educativu de Ciudá (PEC). La creación d’esta nueva Cátedra, a la que se van destinar 25.000 euros, pretende promover ya intensificar sinergias pa fomentar actividaes de formación, d’investigación I+D+I y d’espardimientu y tresferencia de conocencia nes siguientes árees:

  • Sostenibilidá y mediu ambienteççEnerxíes marines anovables
  • Descarbonización del tresporte marítimu
  • Reciclaje de buquesçEficiencia enerxética d’instalaciones náutiques/marítimes
  • Dixitalización ya industria 4.0
  • Construcción y arreglu navalçTráficu marítimu y actividá portuaria Telecomunicaciones
  • Gestión y protección del mediu marín
  • Turismu (marítimu-costeru)çSeguridá y protección costera
  • Xestión del espaciu del mar

El Proyectu Educativu de Ciudá (PEC), al que se van destinar 20.000 euros, ye un preséu de tresformamientu social a partir del cual xenérense condiciones necesaries por que la educación sía’l valor principal pal cambéu y el progresu de la ciudá, en llínea col sofitu del Conceyu a la Comunidá Educativa de Xixón mientres más de dos décades cola voluntá política d’ameyorar la calidá de la educación, ufiertando proyectos y recursos que faigan de la ciudá un axente educador nel más ampliu sentíu del términu.

Ente 2001 y 2002 desenvolviéronse los trabayos del I Proyectu Educativu de Ciudá (PEC), que formaba parte del Plan Estratéxicu de Xixón 2002-2012, y tenía por oxetivu faer un diagnósticu y recoyer propuestes pa motivar ya incentivar a la comunidá escolar, promover nueves actitúes na ciudadanía pa contribuyir al desenvolvimientu y bienestar de la comunidá y convertir Xixón nuna ciudá educadora.

Trátase agora d’ellaborar ente 2021 y 2022 un II PEC, que tien como oxetivu dar llugar a una nueva planificación estratéxica de la ciudá, entendida ésta na so faceta educadora, y que recueya por aciu un procedimientu participativu propuestes a desenvolver nel periodu 2023-2030 pa desenvolver el papel de Xixón como Ciudá Educadora y promover que la educación sía una exa vertebrador del desenvolvimientu de la nuesa ciudá.

Al marxe d’estos dos proyectos, tres la redistribución de los fondos nel marcu del conveniu financiaránse otros nes siguientes cuantíes:

Meyora de los espacios públicos de la redolada del Campus de Xixón/Xixón, 25.000    €
Cátedra “Milla de la Conocencia” Xixón Sostenibilidá, 16.000 €
Cátedra “Milla de la Conocencia” Xixón Smart Cities, 41.000 €
Cátedra “Milla de la Conocencia” MediaLab, 25.000 €
Beques pa Títulos de Máster Universitariu y propios, 93.000 €
Premio José Riera, 13.000 €
Ayudes a la movilidá d’estudiantes, 50.000 €
Institutu Universitariu de Tecnoloxía Industrial d’Asturies (IUTA), 105.000 €
Xardín Botánicu Atlánticu, 53.350 €
Programa Universitariu pa Mayores (PUMUO),16.000 €
Arquivu d’Hestoria Oral, 24.000 €
Estudio nivel de salobridá d’agües continentales y mariñes de Gión, 42.650 €

  Categories: