El Conseyu Escolar va tener representantes de mocedá, igualdá y discapacidá

El Conseyu Escolar va tener representantes de mocedá, igualdá y discapacidá
23 12:55 2017 Imprimir

El conseyeru d’Educación, Genaro Alonso, y el presidente del Conseyu Escolar del Principáu, Alberto Muñoz, presentaron esti día na Xunta Xeneral la propuesta para modificar la llei que rixe esti órganu consultivu para dar cabida a representantes del ámbitu de la igualdá, la mocedá y la discapacidá.

“Cola normativa actual, nun tán representaos discursos que respuenden a polítiques preferentes nel ámbitu educativu”, dixo’l Conseyeru  que desplicó tamién como va reordenase la so composición, ensin ampliar el númberu de miembros (que se caltien en 43 persones) nin el so presupuestu.

D’esta manera, l’alumnáu, que cuntaba con ocho representantes, va tener cinco para dar entrada a un miembru del Institutu de la Mocedá y otru del de la Muyer y a un representante del ámbitu de la discapacidá. La oposición reprochó que los dos primeros sían designaos pola Alministración.

Podemos pidió que se abriera a asociaciones feministes y de mocedá y, como Ciudadanos, reclamó un representante de los conceyos con menos de 10.000 habitantes.

  Categories: