Portada Conceyos El Conseyu d’Infancia y Adolescencia favorez un alcuentru con mayores xugando a ‘Palabrea’

El Conseyu d’Infancia y Adolescencia favorez un alcuentru con mayores xugando a ‘Palabrea’

by redacción asturnews

‘Palabrea’, que nun ye otra cosa que xugar coles palabres, ye una escusa perfecta pa favorecer un alcuentru interxeneracional pasando un ratín y aprendiendo unos d’otros: los pequeños de los más mayores y viceversa.  Dende’l Conseyu d’Infancia y Adolescencia  d’Avilés (CIAA)  vienen desenvolviéndose tolos años esti tipu d’actividaes que tán recoyíes nel III Plan Municipal d’Infancia y Adolescencia y que suponen un alcuentru ente neños, neñes y adolescentes con persones mayores del conceyu.

La escusa ye l’actividá propuesta y l’oxetivu ye l’alcuentru, el xenerar un espaciu que dexe la comunicación directa y l’aprendizaxe cooperativu, aprovechando la esperiencia y sabiduría de les persones mayores.

Nesti casu, ‘Palabrea’ va ser una actividá que dexará poner en marcha la creatividá al traviés de les palabres (delles desconocíes, otres non tanto). Vamos Xugar coles palabres, utilizando distintes dinámiques pa la construcción, en prosa o en versu, de composiciones sobro distintes temes d’interés.

‘Palabrea’ va tener dos convocatories mientres el mes de febreru. La primera tuvo llugar esti xueves 6 de febreru nel Centru Social de Llaranes de 17:00 a 18:30. Y la siguiente va ser el xueves 27 de febreru nel Centru de Persones Mayores de les Meanas de 17:00 a 18:30.

Tamién te podria gustar