Portada Conceyos El Conseyu d’Infancia y Adolescencia d’Avilés (CIAA) cierra’l cursu con una merienda virtual y un escape’

El Conseyu d’Infancia y Adolescencia d’Avilés (CIAA) cierra’l cursu con una merienda virtual y un escape’

by redacción asturnews

El Conseyu d’Infancia y Adolescencia d’Avilés (CIAA) cierra’l cursu con una merienda virtual y un escape, depués de que fora nacesario sostituyir la xornada playera d’otros años pa la despidida. Les sesiones desenvolveránse esta última selmana del mes de xunu y van ser les que ponga’l broche d’oru a un cursu escolar bien atípicu.

Tres meses de desenvolvimientu, trabayu y puesta en marcha d’acciones y propuestes de neños, neñes y adolescentes esti cursu atípicu, condicionáu pola crisis sanitaria, termina y con él va de vacaciones el Conseyu de la Infancia y Adolescencia d’Avilés (CIAA) para dar pasu a dos meses de descansu.

N’años anteriores el  CIAA cerraba’l so cursu con una escursión a la sablera col fin d’esfrutar d’una xornada d’alcuentru y xuegu al campu. Por cuenta de les circunstancies qu’obliguen a un distanciamientu social pa evitar l’andada del COVID, esti cursu nun resulta conveniente realizar la salida y vamos afaese a un final de cursu telemáticu tal que  desenvolvimos mientres los meses del Estáu d’Alarma.

Por ello, neños, neñes y adolescentes faen dos propuestes de zarru, distintos según el grupu d’edá:

  • Primaria: propón cerrar con una sesión que lleva por nome “Merienda Virtual”, onde cada neñu, neña, va amosar en directu la receta de la so merienda al traviés de la pantalla y depués vamos compartir esi tiempu de merienda acompañáu de xuegu.
  • Secundaria: propón terminar con un xuegu d’escape, nel que toma gran importancia la capacidá comunicativa, la escucha activa y el trabayu n’equipu.

En dambos grupos, va dexase un tiempu destináu a la evaluación del desenvolvimientu d’esti cursu 2019-2020.

Les sesiones desenvolveránse la última selmana del mes de xunu y van ser les que ponga’l broche d’oru al cursu escolar marcáu pola pandemia.

Tamién te podria gustar