Portada Educación El Conseyu d’Estudiantes pide una Uniovi “laica”

El Conseyu d’Estudiantes pide una Uniovi “laica”

by redacción asturnews
Web del Conseyu d'Estudiantes

Conseyu d’Estudiantes de la Universidá d’Uviéu y les Asamblees d’Estudiantes de la Universidá d’Uviéu piden que’l laicismu seya referente cimeru na Universidá de tolos asturianos y asturianes y por mor d’ello ausentáronse güei del actu d’apertura del cursu.

Nuna dura nota de prensa, el Conseyu d’Estudiantes informa de la invitación que reciere al actu d’apertura del cursu académicu 2015-2016 de la Universidá d’Uviéu, convocatoria na que figura una “Misa del Espíritu Santu” que impartida a les 11 hores na Capiya Universitaria pol arzobispu d’Uviéu.

Por aciu d’esta nota de prensa, los estudiantes universitarios quieren “espresar en primer llugar el nuesu respetu a toles opciones relixoses que cada cual decida profesar llibremente. Sicasí, consideramos que la relixón pertenez al ámbitu priváu y en nengún casu tendría de venceyase coles intituciones públiques nin formar parte d’actos oficiales, como’l de güei”.

Dende les Asamblees d’Estudiantes y el Conseyu d’Estudiantes quieren tamién “reivindicar un sistema educativu PÚBLICU y LAICU. Por ello y a manera de protesta decidimos nun allegar a dichu actu, p’amosar la nuesa disconformidá y refugu a cualquier tipu de adoctrinamiento relixosu proveniente d’una institución pública”.

Tamién te podria gustar