El Conseyu d’Estudiantes allegrase del nuevu reglamentu de paru académicu

El Conseyu d’Estudiantes allegrase del nuevu reglamentu de paru académicu
25 xunetu 08:11 2018 Imprimir

El Conseyu d’Estudiantes allegrábase esti día de que’l pasáu vienres 20 aprobarase por unanimidá nel Conseyu de Gobiernu’l Reglamentu de Paru Académicu de la Universidá d’Uviéu que yera una reivindicación hestórica del estudiantáu asturianu.

La regulación del paru académicu foi una de les reivindicaciones hestóriques del Conseyu d’Estudiantes y de les Asamblees Abiertes d’Estudiantes, y tres años de llucha y movilización nes cais, y dempués de los últimos meses de trabayu y negociación intensa xuntu al Vicerrectorráu d’Estudiantes consiguimos materializar esti reglamentu.

La nueva normativa va dexan a tol estudiantáu de la Universidá d’Uviéu participar con seguridá y garantíes énte una xornada de paru académicu, reconociendo’l drechu a güelga pa defender los drechos, reivindicaciones y protestes académiques, evitando coles mesmes la posibilidá de penalización académica esistente hasta la fecha por secundar una güelga.

L’aprobación del Reglamentu de Paru Académicu supon una importante victoria, que nun fuera posible ensin l’esfuerzu y compromisu de munchu alumnáu d’hai tiempu y pal Conseyu “güei, gracies a elles la Universidá d’Uviéu ye una universidá más xusta coles sos estudiantes, que yá nun vamos poder ser penalizaes nin represaliaes por sofitar una convocatoria de güelga”.

  Categories:
Loading Facebook Comments ...