Portada Sociedá El Conseyu de la Mocedá d’Uviéu tresllada a los grupos municipales la so propuesta sobre usu del asturiano

El Conseyu de la Mocedá d’Uviéu tresllada a los grupos municipales la so propuesta sobre usu del asturiano

by asturnet

El Conseyu de la Mocedá d’Uviéu (CMU) escomenzó la so ronda de contactos colos grupos políticos presentes nel Ayuntamientu pa tresllada-yos les iniciatives sobre normalización llingüística aprebaes nel so últimu aconceyamientu. El grupu socialista ye’l primeru en recibir les propuestes del CMU, ente les que destaquen el fomentu del billingüismu nel conceyu, la igua toponímica o la creación d’un serviciu municipal de normalización.

El Conceyu de la Mocedá uvieín alcordó na so última asamblea pidir al Ayuntamientu la elaboración y aprebación d’unes ordenances municipales sobre usu del asturiano, asemeyaes a les que ya esisten n’otros conceyos d’Asturies y la puesta en funcionamientu d’una oficina técnica dedicada por esclusivo a la promoción llingüística nel ámbitu local. Tres l’aprebeción d’estes propuestes los responsables del CMU tán treslladando a los grupos políticos l’encamientu de les asociaciones moces d’Uviéu.

Tamién te podria gustar