Portada Sociedá El Conseyu de Gobiernu aprueba a última hora l’espediente toponímicu de Nava

El Conseyu de Gobiernu aprueba a última hora l’espediente toponímicu de Nava

by asturnet

L’últimu Conseyu de Gobiernu enantes del periodu vacacional aprobó ayeri a última hora, y ensin que’l tema tuviere plantegáu nos temes a tratar nel día, l’espediente toponímicu de Nava que llevaba meses paralizáu, ensin recibir el preste que lu fixere oficial, depues de pasar tolos trámites alministrativos. Con esta aprobación, y la intención de siguir aprobando espedientes a partir del mes de setiembre, ruempese’l silenciu d’ocho meses colos qu’Alministración tenía bloqueada l’aprobación oficial de la toponimia.

Pesie a que les notes oficiales del Conseyu de Gobiernu nun contemplen l’aprobación d’esti nuevu espediente, fontes oficiales del Gobiernu confirmaron el vistu bonu a la toponimia naveta que, depues de llevar meses preparada y cola burocracia alministrativa previa cumplida, tovía nun recibiere esti últimu trámite pa recibir la reconocencia oficial.

Esti nuevu emburrión na aprobación de la toponimia, y el compromisu de siguir alantre con ella una y buena que termine’l periodu vacacional, ye frutu de la recien valoración del pactu de gobiernu nel qu’una de les mayores taches foi precisamente les torgues que per parte de l’Alministración recibíen la Xunta Asesora de Toponimia y los propios conceyos pa ver aprobaos los sos espedientes.

Tamién te podria gustar