Portada Conceyos El Conservatoriu Julián Orbón xúnese al Festival Fifty Fifty

El Conservatoriu Julián Orbón xúnese al Festival Fifty Fifty

by redacción asturnews

El Conservatoriu municipal profesional Julián Orbón xúnese a la programación del Festival Fifty Fifty de jazz y poesía con trés actividaes nes que se compaxina la docencia al cargu de grandes músicos, colo lúdico pa la diversión del alumnáu más nuevo y onde la poesía y la música tamién maridan de forma escelente.

Dos clases maxistrales y un taller son les aportaciones a una cita que se desenvuelve dende’l xueves y mientres tola fin de selmana y na que l’Auditoriu del Conservatoriu va ser l’escenariu de dos clases maxistrales:

Alexey Llión, saxofonista y ex alumnu de Berkle College of Music, va falar sobro Jazz cubanu, el vienres a les 17:00 hores. Y Viktorija Pilatovic -cantante, compositora y tambíén profesora en Berklee College of Music – Valencia Campus y en Musikene San Sebastián- va impartir la clase maxistral ‘Voz’, el sábadu a les 17:00 hores.

Y el domingu a les 11:30 hores, tamién nel Auditoriu del Conservatorio, va tener llugar el taller ¿Poesía yes tu?.  Los músicos Rafa Mora y Moncho Oteru van tresportar a mozos, d’ente 8 a12 años, al mundu poéticu de los clásicos, entemeciendo acordes de guitarra, ritmu, versu, voz y humor sano y elegante. La sesión va cerrar con un taller rima.

Alexey Llión ye un saxofonista nacíu en Manzanillo (Cuba). Con cinco años empieza a tocar la flauta y el pianu. Dempués de que la so familia treslladárase a Rusia empieza a tocar saxofón y continua la so educación musical en Moscú nel prestixosu colexu musical Gnesin. En 2013 ye galardonáu con una beca de Michel Camilo pa cursar el programa Master en Berklee College of Music (Valencia Campus). En Payares del 2017 gana’l premiu Meyor Solista” nel prestixosu concursu de mozos jazzistas Jo Jazz na Habana.  Anguaño ye un activu miembru de la escena de jazz español y mora en Valencia combinando’l so trabayu como interprete col llabor docente en Sedajazz Colectivu de Músicos.

Viktorija Pilatovic ye cantante de jazz, compositora y arreglista. A los 6 años empezó a estudiar pianu clásicu.  En 2007 empezó los sos estudios de llicenciatura en jazz vocal na

Academia Lituana de Música y Teatru onde estudió jazz vocal, teoría y hestoria de la música ya introducción a la educación. Master en Música nel programa Studio Contemporary Performance nel Berklee College of Music, Campus Valencia, realizáu con beca completa (2013). Na actualidá desenvuelve xuna estensa actividá concertística per Europa tanto col so tríu como con destacaos músicos de la escena jazzística internacional.

Amás d’estes actividaes nel Conservatoriu, el profesor de saxofón Javier Rubio y Hayk Arakelyan, alumnu de violonchelu de la profesora Katalín  Illés, van intervenir na apertura de los recitales de poesía interpretando’l Preludiu de la 3ª Suite BWV1009 de J. S. Bach.

Más información

Tamién te podria gustar