Música El Conservatoriu d’Avilés xúnese a los actos del 8M con un conciertu by redacción asturnews 7 de marzu, 2019 written by redacción asturnews 7 de marzu, 2019 39 Esti xueves a les 19.30 hores el Conservatoriu Municipal Profesional “Julián Orbón” va poner música al Día Internacional de les Muyeres con un conciertu interpretáu por alumnes d’Enseñanza Profesional. La cita va tener llugar nel auditoriu de la Casa de la Cultura d’Avilés con entrada llibre hasta completar aforu. El conciertu va cuntar col estrenu absolutu de cinco versiones musicales del poema “El mar nun puede venir” de Manuel Alcántara, compuestes por Raquel Qiao Álvarez Marcos, María Berta Rivas López, Pablo Iglesias Diéguez, Alicia Pilar Menéndez Fernández y Esther Menéndez González, estudiantes del Conservatorio. El testu ye’l siguiente: El mar nun puede morrer. va quedase saleando anque nun haya naide equí. Que non, que’l mar nun se muerre, que nun se puede morrer. Va Siguir que va y vien, diendo y volviendo venir cualesquier sabe hasta cuándo. Hasta qu’atope por fin la sablera que ta buscando. Él nun puede morrer. va quedase saleando cuando nun haya naide equí. El programa inclúi, amás, pieces de M. bonis, L. Boulanger, F. Kreisler, C. Chaminade, L. Borghi, B. Britten, P. Maurice y G. Cassadó. Sobre l’escenariu van tar Nariné Karapetián y Alma González Monzón, pianistes acompañantes del conservatorio, y les estudiantes Lucía Martínez Varela, Lucía Rodríguez Blanco, Henar Fernández Clavel y Alicia Pilar Menéndez Fernández (pianu); Irene Fdez.-Ponte Freije y María Llena Pérez (flauta trevesera); Benedicta Abadín Pérez y Carlota Argüelles Pérez al violín y tamién voz nel casu de la segunda; Eugenia García Cuesta y Adriana Da Costa Martínez (viola); Ana Iglesias Martín y Raquel Menéndez González (violonchelu), Nuria Martín Fernández (contrabaxu), Valeria Gaya Espinoza, Carmen Enllena Pérez, Sara Fernández Martínez y Virginia Fernández Álvarez (voz) y M. Antonio Suárez Biagorri (saxofón). 0 FacebookTwitterPinterestEmail Anterior La Texedora de Suaños presenta nel Xovellanos “Femenín Plural” siguiente Igualdá instala una carpa nel parque de Les Meanes pa conmemorar el 8 de marzu n’Avilés Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón