El Conservatoriu d’Avilés programa conferencies, talleres y conciertos pa xineru

El Conservatoriu d’Avilés programa conferencies, talleres y conciertos pa xineru
21 xineru 09:13 2020 Imprimir

El Conservatorio Municipal ufierta a lo llargo del mes numberoses actividaes que van dende conciertos de música clásica, conferencies, cursos de teatru y talleres. Amás de la formación de nuevos músicos profesionales búscase allantar a los ciudadanos colos sos conciertos al cargu de los alumnos y alumnes del centru.

Les actividaes estraordinaries d’esti mes arrincaron el pasáu sábadu 11 col violinista Joaquín Riquelme qu’impartió una Clas Maxistral de viola. Riquelme ye miembru de la Orquesta Filarmónica de Berlín dende 2010 y realizó conciertos nes meyores sales y festivales del mundu.

Actividaes programaes

Martes 21 de xineru

A les 19,30 va tener llugar un Conciertu de trombón y tuba nel que se van interpretar pieces de Malnero, Dubois, Desportes, Saint-Saëns, Guilmant. Nesta ocasión la pianista acompañante va ser Alma González.

Xueves 23 de xineru

Conciertu de pianu de los alumnos del Conservatorio a les 19,30 hores con pieces de Beethoven, J. Haydn, F. Chopin.

Sábadu 25 de xineru

Cursu de teatru El cuerpu que fala. L’actriz Ana Morán va impartir un taller d’Interpretación nel que se van trabayar les ferramientes necesaries pa desendolcase nel escenariu al traviés del usu fayadizu y manexu del cuerpu y la so enerxía, el dominiu de les emociones y la proyección de voz. Ta dirixíu a alumnos de toles edaes del Conservatorio. Va Ser el sábadu día 25, de 11:00 a 13:00 hores. Les inscripciones son gratuites y pueden realizase hasta’l día 21 na conserxería del centru. Hai 18 places y van axudicase por orde d’inscripción.

Martes 28 de xineru

Conciertu d’órganu y pianu polos alumnos del Conservatorio nel auditoriu Ramón de Garay a les 19,30 hores. Van Interpretar ente otros a J. S. Bach, M. Albéniz.

Vienres 31 de xineru y sábadu 1 de febreru

Mónica Menéndez Aguáu, pianista, cantante, arreglista y compositora imparte un Taller de Combu Modernu pa dellos preseos empobináu alumnos del conservatorio de cualquier especialidá. Va Ser el vienres de 16:00 a 20:00 hores y el sábadu de 10:00 a 14:00 hores. Solo disponse de 3 places per sección. La fecha llende d’inscripción ye’l xueves 23 y el preciu ye de 15 euros pa los socios de la AMPA y 20 pa los non socios. Y el sábadu ufiertaráse un conciertu nel auditoriu a les 13:30. La entrada ye llibre hasta completar l’aforu.

  Categories: