El Conservatoriu d’Avilés abre sos puertes del 6 al 10 de xunu

El Conservatoriu d’Avilés abre sos puertes del 6 al 10 de xunu
06 xunu 08:52 2022 Imprimir

El Conservatoriu d’Avilés va abrir les sos puertes dende esti llunes 6 al 10 de xunu pa dar a conocer los sos estudios al traviés de los preseos que los protagonicen.

Ente los díes 6 y 10 de xunu, el Conservatorio Municipal Profesional Julián Orbón abri les sos puertes pa dar a conocer los sos estudios al traviés de los mesmos preseos que los protagonicen. Dende’l llunes 6 al xueves 9, el públicu interesáu  n’aportar a los estudios de música que s’imparten nel centru va poder entrar a les clases pa conocer cómo son, cómo suenen y cómo se toquen cada unu de los preseos.

Dientro d’estes xornaes de puertes abiertes, l’alcaldesa d’Avilés, Mariví Monteserín, y la conceyala de Cultura, Yolanda Alonso, van percorrer les distintes aules del centru’l martes 7, a partir de les 17:45 hores. Les especialidaes instrumentales que s’imparten n’Enseñances Elementales nel centru son les siguientes:

  • Clarinete
  • Contrabaxu
  • Fagot
    Flauta trevesera
  • Guitarra
  • Oboe
  • Percusión
  • Pianu
  • Saxofón
  • Trompeta
  • Trompa
  • Trombón
  • Viola
  • Violín
  • Violonchelu

Les persones interesaes n’asistir a les xornaes van poder presentase nel Conservatorio, dende’l llunes 6 hasta’l xueves 9 de xunu, ente les 16:30 y les 19:30 hores. Amás, el miércoles día 8 van poder asistir a un ensayu de la orquesta sinfónica, la banda sinfónica y el coru d’Enseñances Profesionales na Casa Municipal de Cultura, que se va desenvolver ente les 19:30 y les 20:45 hores.

Les xornaes van rematar el día 10 de xunu cola participación del alumnáu del Conservatorio municipal en 7 conciertos entamaos por cuenta de la Nueche Blanca, que van tener llugar en distintos allugamientos como l’auditoriu y l’antepar del Conservatorio, la plaza Álvarez Acebal, el Muséu d’Hestoria Urbana d’Avilés y la Factoría Cultural.

  Categories: