Portada Música El Conservatoriu avilesin Julián Orbón acueye un Taller de Pianu Modernu

El Conservatoriu avilesin Julián Orbón acueye un Taller de Pianu Modernu

by redacción asturnews

El Conservatoriu Profesional “Julián Orbón” d’Avilés ufierta esti vienres y el sábadu un Taller de Pianu Modernu impartíu pola avilesina Mónica Menéndez Aguáu ya inclúi un conciertu’l sábadu.

Impartíu pola avilesina Mónica Menéndez Aguáu: pianista, cantante, arreglista, compositora y profesora na Escuela de Música Creativa de Madrid va ser totalmente prácticu y ensin partitures y va enfusar a los sos alumnos y alumnes nes músiques actuales al traviés de temes d’ésitu y nun llinguaxe distintu al que tán avezaos. Mónica Menéndez ye, amás, fundadora del grupu “The Black Note” col que lleva 10 años participando en festivales de jazz y música negra en toa España, ente ellos La Grapa d’Avilés.

El Taller ta dirixíu a alumnáu de pianu d’Enseñances Profesionales y de 4 cuartu cursu d’Enseñances Elementales que deseyen enfusase nel mundu de les músiques actuales (pop, rock, etc.) al traviés del analís de temes d’ésitu nun llinguaxe distintu al que tán avezaos.

Tien una duración de siete hores y media y va impartise el vienres día 15 de 16:30 a 20 hores y el sábadu 16 de 10 a 14 hores. A les 13:30 hores del sábadu ufiertaráse un conciertu nel Auditoriu del Conservatorio con entrada gratuita hasta completar aforu; nél, los alumnos y alumnes participantes nel taller van interpretar les pieces creaes.

Tratase d’un cursu totalmente prácticu y ensin partitures que facilita’l desenvolvimientu de la memoria consciente y la dinámica de creación d’idees musicales. Ta entamáu pol Departamentu d’Especialidaes Instrumentales de Tecla del Conservatorio Julián Orbón cola collaboración de la AMPA del centru.

Tamién te podria gustar