Portada Música El Conservatorio Municipal “Julián Orbón” cierra’l vienres el so plazu d’inscripciones de la Prueba d’Accesu a Enseñances Elementales

El Conservatorio Municipal “Julián Orbón” cierra’l vienres el so plazu d’inscripciones de la Prueba d’Accesu a Enseñances Elementales

by redacción asturnews

Esti vienres, 17 de xunu, llega al so fin el plazu d’inscripciones p’aportar a les Enseñances Elementales de Música qu’ufierta’l Conservatorio Municipal Profesional ‘Julián Orbón’ que se abrir el pasáu 16 de mayu. La tramitación d’estes inscripciones puede realizase hasta’l mesmu 17 de xunu (inclusive) na Secretaría del centru, de llunes a vienres de 11 a 13 hores y los miércoles, tamién de 18 a 20 hores.

Estes inscripciones son el pasu previu a la realización de les pruebes d’accesu pal entamu de les Enseñances Elementales de Música que se van realizar el 27 de xunu. A otru día; 28 de xunu, a partir de les 13,00 hores, van dase les resultancies.

P’aportar a estes enseñances va ser requisitu imprescindible tener un mínimu de 8 años cumplíos hasta’l 31 d’avientu, inclusive, del añu en cursu y superar una prueba específica d’accesu. Nel momentu de la inscripción, tendrá de presentase fotocopia compulsada del Llibru de Familia pa determinar la edá del aspirante. La prueba d’accesu pal entamu de les Enseñances Elementales de Música va valorar l’aptitú rítmicu-auditiva, l’aptitú vocal y l’aptitú psicomotriz.

El Conservatorio ‘Julián Orbón’ ufierta les especialidaes instrumentales de: pianu, guitarra, percusión, violín, viola, violonchelu, contrabaxu, flauta, oboe, clarinete, saxofón, fagó, trompa, trompeta y trombón.

Tamién te podria gustar