El Congresu d’Asturies y Xapón estudia los “Asemeyos ente l’idioma asturianu y xaponés”

by asturnet | marzo 18, 2009 4:52 am

[1]

Les profesores de llingua xaponesa Eri Fujikawa y Makiho Maruoka van dar a conocer güei los asemeyos ente l’idioma asturianu y xaponés nuna conferencia que va celebrase a la una la tarde nel Congresu de Cultura Xaponesa, centráu esti añu na fusión cultures ente Asturies y Xapón. Enantes, a les 12, l’hestoriador Javier López Espinosa, va dar llectura a la conferencia “Paecíos no estremao”, onde se van comentar los asemeyos n’otres estayes culturales, ente xaponeses y asturianos.

Yá de tarde, María Luz Pontón y Ángela Fernández, autores del primer manga asturianu, van presentar la conferencia “El cómic manga: ponte ente dos cultures”.

A les seis va estudiase “L’anime xaponés: analís d’un modelu comunicativu nuevu”, a cargu de Javier Fombona Cadavieco, profesor Titular de la Universidá d’Uviéu. Darréu va proyectase la película: “La tumba de las luciérganas”, d’Isao Takahata).

Programa completu del I Congresu de Cultura Xaponesa[2]

Endnotes:
  1. [Image]: http://asturnews.com/bancofotos/fotos/2/4272.jpg
  2. Programa completu del I Congresu de Cultura Xaponesa: http://www.asturnews.com/index2008.php?idn=7942

Source URL: http://asturnews.com/el-congresu-d%c2%92asturies-y-xapon-estudia-los-%c2%93asemeyos-ente-l%c2%92idioma-asturianu-y-xapones%c2%94/