El primer concursu de rellatu curtiu «Cenciella», entamáu pola asociación xuvenil Naurenia, entra na so fase final. Los interesaos en participar nel certame, dirixíu a mozos nacíos ente 1982 y 1996, dambos inclusive, pueden presentar los sos rellatos na Casa de Cultura de Noreña hasta les 13.30 hores del 31 de mayu, na modalidá en papel, y hasta les 23.59 d’esi mesmu día, na modalidá Twitter, venceyándolos al perfil @Lituiteratura. El premiu pal ganador de cada modalidá ye de 250 euros.
