Portada Música El concursu de gaites de Bimenes ta acabante d’abrir el plazu d’inscripción

El concursu de gaites de Bimenes ta acabante d’abrir el plazu d’inscripción

by asturnet

300 euros pal primero, 200 pal segundu y 100 pal tercer clasificáu son los premios que se reparten na octava edición del Concursu de gaiteres y gaiteros mozos de Bimenes, cuyu plazu pa presentar la inscripción fina esti prósimi 26 de payares. El día 1 d’avientu a les 11:00 hotes va tener llugar la semifinal na Casa Cultura de Santuyano ya’l día siguiente les escueles de Martimporra van ser l’escenario de la gran final.

El concursu ta empobináu a gaiteros y gaiteres menores de 21 años que toquen la gaita d’un roncón. Tendrán que interpretar dos pieces, una d’elleción propia y la otra a escoyes d’ente les siguientes: “Alborada’l paxarín”, “Carretera d’Aviles”, “Diana floriada de Veriña”, “Fandangu puntiáu”, “Floreu de Remis”, “Marcha’l Tao”, “Muñeira de Bargaz”, “Muñeira de Remis”, “Xota’l centru”, y “Xota da Pumarega”.

Tolos gaiteros que quieran apuntase al concursu puen facelo nes instalaciones de la Casa Cultura de Santuyano y pueden pidir más información nel telefonu 680114090.

Tamién te podria gustar