El Conciertu d’Añu Nuevu en Xixón trailu la Orquesta Filarmónica d’España (OFE)

El Conciertu d’Añu Nuevu en Xixón trailu la Orquesta Filarmónica d’España (OFE)
23 avientu 09:05 2019 Imprimir

El miércoles 1 de xineru, a les 20 hores, el Teatru Xovellanos va acoyer el Conciertu d’Añu Nuevu en Xixón cola Orquesta Filarmónica d’España (OFE), embaxo la direición de Mariano Rivas.

La Orquesta Filarmónica d’España crease en 2013 coles mires de sofitar y fomentar la cultura española, interpretando obres de cualquier autor o dómina que tean rellacionaes con España. Nel so curtiu periplu yá actuaron nel Teatru Real, l’Auditoriu Nacional o’l Teatru Monumental, con artistes como Ainhoa Arteta, el pianista Joaquín Achúcarro o’l cantante mexicanu Alejandro Fernández. Cincuenta y cinco músicos de gran esperiencia sinfónica, qu’amás nun duldar en compartir escenariu con grupos de rock, pop, jazz o soul.

El xixonés Mariano Rivas dirixe esta propuesta. Cursó dirección d’orquesta na Academia de Música y Arte Dramático de Viena. Ente los sos galardones figuren el Premiu nel Concursu Internacional de Directores d’Orquesta Dinu Niculescu, en Rumanía, o’l Premiu al meyor intérprete de música rumana. Dende 2010 ye músicu de capiya de la Ópera de Kiel. Foi director musical asistente nel Gran Teatru del Licéu de Barcelona, y en Xixón dirixió delles óperes, como Pelagio de Mercadante, Cavalleria Rusticana o Madame Butterfly.

  Categories: