El Conceyu y la Universidá impulsen la Cátedra Turismo “Uviéu, Orixe del Camín”

L’alcalde, Alfredo Canteli, y el rector de la Universidá d’Uviéu, Ignacio Villaverde, roblaron esta selmana pasada’l protocolu pa impulsar la Cátedra de Turismo “Uviéu, Orixe del Camín”. Ye’l primer pasu pa poner en marcha la cátedra, que tendrá d’acompañase llueu de la firma del conveniu que regule l’actuación conxunta ente’l Conceyu y l’institución académica.

El protocolu que se robló recueye que la Cátedra va tener como ámbitos principales d’actuación actividad d’investigación nel campu del turismu rellacionaes cola hestoria del Camín de Santiago n’Uviéu, destacando’l papel relevante de la ciudá como núcleu central del primer itinerariu cultural européu aprobáu pol Conseyu d’Europa. Tamién aquelles actividaes de formación, tanto dientro como fora de la Universidá, que contribuyan a favorecer el desenvolvimientu d’entamadores y profesionales nel ámbitu turísticu.

A lo último, actividaes divulgatives y de tresferencia de conocencia a la sociedá uvieina, poniendo énfasis nel sector empresarial  venceyáu al turismu, la hostelería y la cultura.

Esta actuación enmárcase dientro de la estratexa puesta en marcha pol Conceyu d’Uviéu pa potenciar la hestoria de la ciudá col Camín de Santiago, según la so promoción turístico y cultural.