El Conceyu y la Universidá d’Uviéu ponen en marcha cuatro proyectos pa fomentar l’emprendimientu y l’emplegu

El Conceyu y la Universidá d’Uviéu vienen acabante poner en marcha cuatro proyectos pa fomentar l’emprendimientu y l’emplegu que s’alcuentren inxertaos nel so apueste pola collaboración institucional na innovación.

El Conceyu d’Uviéu y l’Universidá d’Uviéu suscribieron dos talos convenios de collaboración pa la puesta en marcha de cuatro proyecto qu’escuerren promover l’emprendimientu, la empleabilidá y l’innovación ente estudiantes de la Universidá y graduaos. El conceyal d’Economía y Emplegu, Rubén Rosón, presentó esta selmana los convenios al pie de la Vicerrectora d’Acción Tresversal y Cooperación cola Empresa, Eugenia Suárez Serrano, el director de l’Área de Cooperación cola Empresa y Empleabilidá de la Universidá d’Uviéu, Enrique Covián, la directora xerente de la Fundación Universidá d’Uviéu, Matilde H. Blanco, y el  consultor d’Uviéu Entama, Daniel González.

Los proyectos denominanados ‘Yuzz Uviéu 2017′ y ‘Club de Egresados’ son xestionaos pola Universidá d’Uviéu ente que los programes ‘Y2′ y ‘Sí, somos innovación’, desenvuélvense gracies a la Fundación Universidá d’Uviéu (FUO). Y na so intervención, el conceyal d’Economía y Emplegu sorrayó que’l Conceyu d’Uviéu apurre un financiamientu de casi 100.000 euros pa llevar a cabu estos cuatro proyectos, lo que  al so xuiciu “amuesa’l compromisu del Consistoriu col mundu de la empleabilidá y de los mozos”. Rosón añedió que con estes midíes escuérrese desaniciar “la sangría demográfica” que nos fai perder “grandes talentos na rexón”.

Los programes, nos que van participar más de 120 alumnos y unes 15 empreses, son los siguientes:

• Yuzz Uviéu 2017. Esti programa desenvuélvese en collaboración tamién con CISE (Centru Internacional Santander de Emprendimiento).  Yuzz tien como oxetivu fomentar el talentu nuevo y l’espíritu entamador, al traviés de la formación, el sofitu y asesoramientu mientres el desenvolvimientu del plan de negociu. Esta ye la segunda edición ya incorpórense anguaño metodoloxíes axiloses de emprendimiento en coherencia cola filosofía d’acompañamientu d’Uviéu Entama.

• Club d’Egresaos. Estratexa p’ameyorar la empleabilidá de los egresaos o graduaos por aciu d’acciones que contribuyan a la so incorporación al ámbitu llaboral y sobremanera, por aciu l’espardimientu, promoción y sofitu del emprendimientu de calter empresarial o social. En concretu, no relativo a la empleabilidá, pretende facilitase la so incorporación al trabayu por aciu procesos de meyora de la xestión de l’Axencia d’Allugamientu de la Universidá d’Uviéu, y l’establecimientu de venceyos con egresaos de la Universidá qu’ocupen puestos de responsabilidá na empresa o instituciones.

•  “Y2”. El programa “Y2: estudiante x entamador” ye un proyectu promovíu pel Centru Internacional Santander Emprendimientu (CISE). Al traviés d’una metodoloxía de formación en cascada, el programa crea grupos multidisciplinares integraos por alumnos qu’exercen de tutores d’otros cuatro compañeros y que cunten col sofitu d’un empresariu que va asesorar a los mozos nel desenvolvimientu de les sos idees de negociu.

• “Sí, somos innovación”.  El so oxetivu ye xenerar una plataforma de networking pa conectar estudiantes y empreses al traviés d’estimulantes retos que s’anicien na redolada empresarial.