El Conceyu y la Universidá d’Uviéu anueven so conveniu de collaboración

El Conceyu y la Universidá d’Uviéu anueven so conveniu de collaboración
26 abril 10:22 2019 Imprimir

L’Alcalde, Wenceslao López, y el rector de la Universidá d’Uviéu, Santiago García Granda anovaron esta selmana, nel salón del plenos, el conveniu de cooperación ente dambes instituciones pa promover actividaes culturales rellacionaes cola hestoria, lliteratura, música, cine, artes plástiques y escéniques, humanidaes, investigación, ciencies sociales o’l deporte, teniendo prioridá especialmente aquelles que tengan una relación con Uviéu.

“Tratase d’anovar la collaboración cola Universidá que s’intensificó enforma estos postreros cuatro años. El documentu que roblamos cubri tolos ámbitos: educativu, cultural, investigación… por que dende lo público aprovechemos al máximu la conocencia y l’esperiencia de la Universidá d’Uviéu nos sos recursos humanos (estudiantes, profesores, investigadores …) y coles mesmes nós, como Conceyu, el nuesu compromisu de revertir una parte de los nuesos impuestos para reinvertir en conocencia n’investigación, masters, doctoraos y evitar, a última hora, qu’esos recursos humanos cólennos al estranxeru; retener pos el nuesu talentu”. A xuiciu del rexidor, “hubo una sintonía absoluta porque la Universidá ye la institución cola que yo tengo un venceyu más llargu, más de mediu sieglu. Esti conveniu refrenda y fortalez lo que consiguimos. Ye un procesu continuu de dir ameyorando y afinando, tratando de sacar mayor rendimientu a esa collaboración. Trátase, al mio pensar, de que’l Conceyu sía’l venceyu ente la Universidá y l’empresa porque tengo la sensación de que precisamos implicar más al sector empresarial”.

El rector destacó que “esti marcu de collaboración dexa desenvolver munches acciones, en marcha la mayoría. L’Alcalde siempres presumió d’universitariu y eso satisfainos enforma, el que l’Alcalde puede entender l’actividá de la Universidá. Mientres la mio etapa de rector foi escelente la collaboración col Conceyu, con programes que son modelu n’Asturies, como “Sema talentu”, nel que les instituciones ponen a disposición de les empreses esa vía de collaboración cola Universidá, evitando qu’esi talentu nun tenga que dise d’esta rexón”. García Granda concluyó estimando “el  gran llabor de collaboración cultural” col Consistoriu y amosó el so prestu “y agradecimientu al equipu de gobiernu por tener esa sensibilidá y marcar grandes caminos”.

  Categories: