Portada Política El Conceyu y el Colexu d’Arquiteutos presenten un conveniu pa “dignificar” la redolada del Campu San Francisco

El Conceyu y el Colexu d’Arquiteutos presenten un conveniu pa “dignificar” la redolada del Campu San Francisco

by redacción asturnews

El conceyal d’Urbanismu, Ignacio Fernández del Pandorial, presentó esta mañana un conveniu col Colexu d’Arquiteutos d’Asturies pa buscar una solución y dignificación al espaciu públicu en redol al Campu San Francisco, el pulmón verde de la ciudá que puede ser ameyoráu”.

Según aprofió’l conceyal, la ciudadanía va poer participar plantegando propuestes de meyora d’un espaciu tan importante pa la ciudá, nel que se fueron “corrixendo problemes de forma puntual” como los pasos de cebra, les isletas o les pequenes ceres.

El proyectu, incluyíu nel presupuestu añal del Conceyu, va empecipiar con esti estudiu d’idees, tres el que se va convocar un concursu final que va dexar conocer y escoyer los meyores propuestes pa esta zona que “anguaño soporta dellos problemes, como funcionar d’auténtica rotonda que parte’l tráficu del centru de la ciudá”. Pela so parte, la decana del Colexu d’Arquiteutos, Sonia Ponte, qu’estimó al Conceyu d’Uviéu esta propuesta de collaboración, indicó que se trata de trabayar nun nuevu modelu d’urbanismu, nel que se dexe de dar prioridá namái a los vehículos. Ponte añedió qu’esti trabayu va enriase al traviés d’un grupu d’urbanismu específicu del Conceyu d’Uviéu.

Tamién te podria gustar