Portada Lliteratura El Conceyu d’Uviéu y ASATA presenten el llibru “Emprender en economía social” dientro del programa Uviéu Entama

El Conceyu d’Uviéu y ASATA presenten el llibru “Emprender en economía social” dientro del programa Uviéu Entama

by redacción asturnews

El Conceyal d’Economía, Rubén Rosón, y el Presidente de ASATA (Agrupación de Sociedaes Asturianes de Trabayu Asociáu y Economía Social), Ruperto Iglesias, presentaron esta selmana’l llibru “Emprender en economía social”, enmarcáu nel programa Uviéu Entama.

Esti llibru, que sirve como guía p’aquelles persones que quieran entamar un proyectu, ye una ferramienta más del conveniu robláu en payares del pasáu añu ente’l Conceyu y l’agrupación de sociedaes, que plantega les bases pa l’actividá nel ámbitu de la economía social, ente les que tán incluyíes el sofitu al emprendimiento colectivu, y l’espardimientu de la economía social como forma de faer empresa. Esti llibru supon un valor añedíu a los servicios que s’empresten dende’l programa Uviéu Entama.

Esta guía esplica qué ye la economía social, y cuál ye la forma de xenerar empresa y, por tanto, empléu. Recueye amás les dos formes xurídiques que son bases d’empresa: les cooperatives y les sociedaes.

El conceyal aprofiaba que n’anguaño que lleven de conveniu ente Conceyu y ASATA, fueron 20 les empreses que se constituyeron nel so amparu. Anunció, amás, que yá hai un borrador de bases pa la convocatoria d’ayudes a la economía social, ente les que s’inclúin subvenciones pa la creación y desenvolvimientu d’empreses con un presupuestu total de 300.000 euros.

Tamién te podria gustar