El Conceyu d’Uviéu va poner en funcionamientu la Tarxeta Ciudadana a lo llargo 2020

El Conceyu d’Uviéu va poner en funcionamientu la Tarxeta Ciudadana a lo llargo 2020
17 xineru 11:44 2020 Imprimir

El Conceyal de Tresformamientu Dixital del Conceyu d’Uviéu, Javier Cuesta, anunció esta selmana al términu de la sesión de la Xunta de Gobiernu, que’l Conceyu d’Uviéu va poner en marcha la denominada Tarxeta Ciudadana a lo llargo d’esti 2020.

El conceyal destacó que la tarxeta va ser dixital y que va tar disponible al traviés d’una aplicación pa dispositivos móviles;  para ello haise aprobáu una prórroga de trés selmanes a Telefónica, empresa axudicataria del desenvolvimientu de la tarxeta, por que pueda desenvolver el nuevu soporte y los servicios que se van ufiertar.

Javier Cuesta esplicó que nuna primer fase la tarxeta va dexar l’accesu a servicios municipales como biblioteques, centros d’estudiu o instalaciones deportives, pa nuna fase posterior ampliar los servicios a compra d’entraes, axenda cultural, etcétera.

El conceyal esplicó qu’espera que nun plazu máximu de seis meses la tarxeta pueda entrar en funcionamientu y que a lo llargo d’anguaño 2020 tea dafechu operativa. Pa Cuesta esti serviciu va ameyorar de forma notable la relación de los ciudadanos col Conceyu, yá que va dexar l’accesu a los servicios municipales d’una forma más senciella, rápida y eficaz.

  Categories: