El Conceyu d’Uviéu va contratar a 85 persones col Plan d’Emplegu 2015-2016

El Conceyu d’Uviéu va contratar a 85 persones col Plan d’Emplegu 2015-2016
22 febreru 09:59 2016 Imprimir

El conceyal d’área, Rubén Rosón, vieno acabante de presentar el Plan d’emplegu 2015/2016 nel que van contratase 85 persones al traviés del Plan d’Emplegu: 55 van ser contratos en práctiques y 30 pa paraos mayores de 45 años.

El conceyal d’Economía y Emplegu, Rubén Rosón, cumnicaralo nuna rueda de prensa na que sorrayó qu’esti Plan sacóse alantre “con toles garantíes pa que nun incurra nes dificultaes llegales de los desenvueltos n’años anteriores”. Amás, destacó que los sueldos que van tener estos emplegaos van ser del 75% del conveniu del sector y cifró los mesmos n’ente 900 y 1.100 pa los contratos en práctiques y en ente 1.200 y 2.200 euros pal restu de los emplegos. “Unos sueldos más que dignos, acordes colos llabores que van desempeñar”, amestó.

La Xunta de Gobiernu del Conceyu dio yá lluz verde a esti plan, que se realiza nel  marcu del Resolvimientu de convocatoria del Serviciu Públicu d’Empléu del Principáu d’Asturies de 25 de xunu de 2015, pola que s’aprueba la convocatoria de concesión  de subvenciones a conceyos del Principáu en materies d’ámbitu competencial del Serviciu Públicu d’Empléu del Principáu d’Asturies, que contempla, ente otres llínees d’actuación, les subvenciones pa la execución de Planes d’Emplegu.

Los Planes d’Emplegu tienen por finalidá la de promover, al traviés de la so contratación temporal por conceyos, l’insertamientu llaboral de persones desemplegaes. El total de persones a contratar nel Plan d’Emplegu ye de 85. D’ellos, 55 lo van ser na modalidá de contrataos en práctiques y va haber otros 30 puestos destinaos a persones desemplegaes de llarga duración y mayores de 45 años, quien van ser contrataos por aciu la modalidá “contrato por obra o serviciu determináu” y siempres nel ámbitu de proyectos singulares y envernaes pa una obra o serviciu concretu.

El presupuestu total del Plan d’Emplegu xube a: 3.492.201.77 € de los cualos la subvención  xube a 1.702.935 € y 1.789.266 € son aportación municipal.

  Categories: