Portada Sociedá El Conceyu d’Uviéu robla con FOLIE’l conveniu “Uviéu Entama 2019”

El Conceyu d’Uviéu robla con FOLIE’l conveniu “Uviéu Entama 2019”

by redacción asturnews

El conceyal d’Economía y Empléu, Rubén Rosón, y el presidente de l’Asociación de Mozos Empresarios d’Asturies (FOLIE), Ignacio Calviño, suscribieron esta selmana pasada, un nuevu conveniu ente dambes instituciones adscritu a la área de promoción económica, “daqué que ye posible gracies a FOLIE por apostar cada añu y anovar el so apueste pola promoción económica d’Uviéu al traviés de tolo bono qu’apurren na Turria de la Ería y el programa de emprendimiento, Uviéu Entama, que dende fai yá seis años un casu d’ésitu.

Gracies pos a FOLIE y a los funcionarios municipales por consiguir que’l Conceyu siga siendo unu de los entes que más fai pola promoción económica n’Asturies. Ratificamos asina la nuesa collaboración, con una aportación municipal añal de 140.000 euros, destinaos a ‘faer empresa’ al traviés d’Uviéu Entama”.

Calviño, tres l’agradecimientu al Conceyu y al conceyal Rosón, destacó que “nos próximos dolce meses volveremos tar nel día ente día del mundu entamador y empresariu d’Uviéu y vamos siguir dinamizando la Turria de la Ería, empobinando a los nuesos mozos que tantos problemes tienen n’Asturies”.

Tamién te podria gustar