Portada Conceyos El Conceyu d’Uviéu pon en marcha’l concursu de llume navidiego

El Conceyu d’Uviéu pon en marcha’l concursu de llume navidiego

by redacción asturnews

La Xunta de Gobiernu del Conceyu d’Uviéu aprobó esta selmana pasada les bases reguladores del concursu de Llume de navidá 2020-2021. L’oxetivu del mesmu ye que los uvieinos participen de forma activa nel llume navidiego d’anguaño.

A tal fin la Xunta de Gobiernu dio lluz verde a destinar 20.000 € pa premios, que se van estremar en dos categoríes: la primera engloba a los comercios, locales d’hostelería y  a toos aquellos establecimientos que tengan fachada a la cai; la segunda categoría engloba a edificios, tantu públicos como privaos, (comunidaes de vecinos, colexos profesionales, cámara de comerciu, asociaciones, etc.).

A caúna de les categoríes destínense 10.000 € en premios, a partir en 5.000 € al primeru, 3.000 € al segundu y 2.000 € al terceru.

El xuráu va tar formáu por personalidaes de dellos ámbitos profesionales que van valorar distintos aspeutos de la decoración, tales como la imaxinación, la calidá, el diseñu, etc.

Tolos comenenciudos en participar nel concursu van tener el plazu d’inscripción abiertu ente los díes 30 de payares y 15 d’avientu.

El conceyal de Promoción Económica, Javier Cuesta, quixo animar a los uvieinos a que participen ye esti concursu “arreyándose nel llume, nun añu que ta siendo complexu y  nel que la navidá debe de ser xuna dómina pal optimismu”. Cuesta señaló que los premios “son una forma d’incentivar a la participación nun concursu que, amás, va contribuyir a complementar el llume que va instalar el Conceyu nes cais”.

Tamién te podria gustar