El Conceyu d’Uviéu pon en marcha un programa d’emplegu pa muyeres mayores de 45 años

by redacción asturnews | noviembre 4, 2016 1:18 pm

Les conceyalíes d’Educación y Empléu del Conceyu d’Uviéu van poner en marcha’l proyectu d’empleabilidá dirixíu a muyeres mayores de 45 años del conceyu.

Van facelo al traviés de la Universidá Popular d’Uviéu (una iniciativa pionera impulsada pol gobiernu local) en siendo escoyida la propuesta uvieina nun concursu nacional convocáu pola Federación Española d’Universidaes Populares (FEUP). El presupuestu pa realizar l’actividá ye de 15.884 euros, cofinanciaos pol Institutu de la Muyer y la FEUP.

Englobao nel programa SARA que busca promover la participación social y llaboral de les muyeres desemplegaes, el proyectu uvieín va desenvolvese a partir del próximu mes de xineru y va tar centráu na atención sociosanitaria a persones dependientes n’instituciones sociales.  Primero va llevase a cabu un periodu de formación que va emponer a les participantes al traviés de distintes fases qu’inclúin la motivación y l’orientación na busca activa d’empléu. El programa va concluyir con unes práctiques profesionales non llaborales.

Source URL: http://asturnews.com/el-conceyu-duvieu-pon-en-marcha-un-programa-dempleu-pa-muyeres-mayores-de-45-anos/