El Conceyu d’Uviéu pon en marcha tres Escueles Taller

La recuperación de la redolada del Conxuntu Históricu Monumental de Olloniego, la implantación de midíes d’aforru enerxético y d’amenorgamientu de la contaminación acústica y la promoción del turismu de naturaleza y cultural centren los oxetivos de los proyectos d’Escueles Taller que pon en marcha darréu l’Ayuntamientu d’Uviéu.

La Xunta de Gobiernu aprobó esti xueves, en sesión estraordinaria, la puesta en marcha per parte del Conceyu, al traviés de la Conceyalía d’Emplegu, de tres Escueles Taller na primera quincena d’esti mes  de xunu. El Conceyu va escoyer a los candidatos al traviés d’una ufierta na Oficina del Serviciu Públicu d’Empléu. Les persones nueves desemplegaes, menores de 25 años, interesaes en participar nestes Escueles, tendrán d’allegase a la so oficina del Serviciu Públicu d’Empléu del Principáu d’Asturies.
Los proyectos aprobaos güei son:

Escuela Taller + Uviéu Eficiente, dirixida a 24 mozos menores de 25 años, y que tien como oxetivu la implantación de midíes d’aforru enerxético y d’amenorgamientu de la contaminación acústica, por aciu la instalación de dispositivos eléctricos, caloríficos y d’amortiguación del ruiu en comedores de tres colexos públicos (Villafría, Villar–Trubia y Ventanielles) y n’edificios municipales tales como la Casa Consistorial, l’edifico d’Urbanismu, los albergues, Teatru Campoamor y Centros sociales municipales que se detallen nel proyectu d’actuación: casa d’acoyida de muyeres, Centros Sociales de: “Javier Blanco” del Naranco, Vallobín I ya II, San Cloyo, Pumarín, Trubia, Rir, Sograndio, Santa Marina de Pidramuelle,  Guillen Lafuerza, el Palombar del Campu de San Francisco, Baxos de la Granxa y cuarta planta del Centru de Servicios Sociales de Martínez Marina y nos siguientes centros deportivos: Carisa, Fozaneldi y Cualloto. Asina mesmu, contémplense trabayos d’acabaos decorativos.

Pal so desenvolvimientu contemplen trés módulos nos que se van impartir los siguientes certificaos de profesionalidá

•   Eficiencia Enerxética Térmica:
-Operaciones de fontanería y calefacción-climatización doméstica.
-Montaxe y caltenimientu d’instalaciones calorífiques
• Eficiencia Enerxética Eléctrica:
-Montaxe y caltenimientu d’instalaciones eléctriques de baxa tensión.
• Acabaos Decorativos:
-Pintura decorativa en construcción
-Instalación de placa de yelsu laminado y falsos techos (nivel 2).
La duración del proyectu ye de 18 meses.  L’entamu ye en xunu de 2016.
El presupuestu total del proyectu xube 760.949.22 €, de los cualos 501.577,00 € son subvención y 259.372,22 €, aportación municipal al programa.

Escuela Taller Recuperación de la redolada del Conxuntu Históricu Monumental d’Olloniego, dirixida a 16  mozos menores de 25 años, y tien como oxetu d’actuación  la recuperación de dichu entorno.

Pal so desenvolvimientu contemplen dos módulos colos siguientes certificaos de profesionalidá:

• Albañilería d’urbanización:
-Pavimentos y Albañilería d’urbanización
-Operaciones auxiliares d’acabaos ríxidos y urbanización.

• Xardineru/a:
-Actividaes auxiliares en viveros, xardinos y centros de xardinería.
-Instalación y caltenimientu de xardinos y zones verdes

La duración del proyectu ye de 18 meses.  L’entamu ye en xunu de 2016.
El presupuestu total del proyectu xube a 543.679.34 € de los cualos 334.385,00 € son subvención y 209.294,34 €, aportación municipal al programa.

Escuela Taller UviéuNaturaleza Social Media, dirixida a 16 mozos menores de 25 años, y que tien como oxetu d’actuación la promoción del turismu de naturaleza y cultural, por aciu la ellaboración, diseñu y desenvolvimientu de distintes rutes de senderismo y cicloturismo. Diseñu ya implantación d’actividaes especializaes nel turismu de naturaleza nel conceyu, ellaboración  del productu “Uviéu nel Tiempu”, pa la web municipal, y la realización  de productos y aplicaciones  web de rellacionaes col turismu de naturaleza y el turismu activu.

Pa el so desenvolvimientu contemplen dos módulos colos siguientes certificaos de profesionalidad

• Módulo de Promotor/a-Informador/a Turísticu:
-Promoción turística local ya información al visitante.
-Xestión de marketing y comunicación.

• Módulu de Desenvolvimientu d’aplicaciones con tecnología Web:
-Confección y publicación de página Web
-Desenvuelvo d’aplicaciones en tecnología Web.

La duración del proyectu ye de 18 meses.  L’entamu ye en xunu de 2016.
El presupuestu total del proyectu xube a 452.315,25 € de los cualos 334.385,00 € son subvención y 117.930,25 €, aportación municipal al programa.

Los proyectos d’Escueles Taller van constar d’una primer etapa de calter formativu de iniciación y otra etapa de formación n’alternanza col trabayu y la práctica profesional. Les obres o servicios d’utilidá pública o d’interés social que se desenvuelvan nes Escueles Taller tendrán de facer posible a los alumnos trabayadores la realización d’un trabayu efectivu que, xuntu cola formación profesional ocupacional recibida, que va tar rellacionada directamente con dichu trabayu, procure la so cualificación profesional y favoreza el so insertamientu llaboral.